മലപ്പുറം:- നടുവട്ടം ജി.എല്‍.പി. സ്‌കൂളില്‍ 'നിറവ് ' പദ്ധതി

കുറ്റിപ്പുറം: നടുവട്ടം ഗവ. എല്‍.പി. സ്‌കൂളിലെ മാതൃഭൂമി സീഡുമായി സഹകരിച്ച് 'നിറവ്' പദ്ധതിക്ക് തുടക്കമായി. ഗ്രാമപ്പഞ്ചായത്തംഗം കെ.കെ. ധനലക്ഷ്മി ഉദ്ഘാടനംചെയ്തു. പി.ടി.എ. പ്രസിഡന്റ് വി.കെ. രാജേന്ദ്രന്‍ അധ്യക്ഷതവഹിച്ചു. യുവകര്‍ഷകനായ ശിഹാബ് തോട്ടുപുറത്തിനെ ചടങ്ങില്‍ ആദരിച്ചു. ജെ.സി.ഐ. കുറ്റിപ്പുറം പ്രസിഡന്റ് അഷറഫ് രാങ്ങാട്ടൂര്‍, രാജേശ്വരി. എ, മൂസക്കുട്ടി, സീഡ് കോ- ഓര്‍ഡിനേറ്റര്‍ അനൂപ് വയ്യാട്ട്, പ്രഥമാധ്യാപിക പദ്മിനി, സീഡ് എക്‌സിക്യുട്ടീവ് ജസ്റ്റിന്‍ ജോസഫ് എന്നിവര്‍ പ്രസംഗിച്ചു.
'മരം ഒരുവരം' എന്നവിഷയത്തെ ആസ്​പദമാക്കി നടന്ന ചിത്രരചനാ മത്സരത്തില്‍ വിജയികളായവര്‍ക്ക് സമ്മാനങ്ങള്‍നല്‍കി.