കൊട്ടാരക്കര: വെട്ടിക്കവല ദേവസ്വം ബോര്‍ഡ് സെന്‍ട്രല്‍ സ്‌കൂളില്‍ മാതൃഭൂമി സീഡ് ക്ലബ്, പ്രകൃതിസൗഹൃദ ക്ലബ് എന്നിവയുടെ ഉദ്ഘാടനം നടത്തി. പി.ടി.എ. പ്രസിഡന്റ് വെട്ടിക്കവല എം.ബാലചന്ദ്രന്റെ അധ്യക്ഷതയില്‍ ദേവസ്വം ബോര്‍ഡ് എക്‌സി. എന്‍ജിനിയര്‍ ജി.മുരളീകൃഷ്ണന്‍ ഉദ്ഘാടനം നിര്‍വഹിച്ചു.
കൃഷി വകുപ്പുമായി ചേര്‍ന്ന് നടത്തുന്ന വീടുകളില്‍ പച്ചക്കറിത്തോട്ടം പദ്ധതിയുടെ ഉദ്ഘാടനവും ചടങ്ങില്‍ നടത്തി. പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷ പ്രസന്നകുമാരി പദ്ധതിയുടെ ഭാഗമായുള്ള വിത്ത് വിതരണം നിര്‍വഹിച്ചു. കൃഷി ഓഫീസര്‍ ഡി.മലര്‍, കൃഷി അസിസ്റ്റന്റ് ബിജു, തുളസീധരന്‍ എന്നിവര്‍ ക്ലാസെടുത്തു. സീഡ് കോ-ഓര്‍ഡിനേറ്റര്‍ എ.ഇ.ശ്രീകുമാരി, അനിതാദേവി, എം.എസ്.ലേഖ, ഷീജാകുമാരി, അബു വടക്കടത്ത് എന്നിവര്‍ പ്രസംഗിച്ചു. പ്രിന്‍സിപ്പല്‍ എം.ആര്‍.ഗംഗാധരന്‍ പിള്ള സ്വാഗതം പറഞ്ഞു.
