ജൈവകൃഷിയെ അടുത്തറിയാന്‍ വിദ്യാര്‍ത്ഥികളെത്തി

വള്ളിവട്ടം: ജൈവകൃഷി, മണ്ണിര കമ്പോസ്റ്റ് തയ്യാറാക്കല്‍ എന്നിവയെക്കുറിച്ചറിയാന്‍ വള്ളിവട്ടം ഗവ. യു.പി. സ്‌കൂളിലെ സീഡ് വിദ്യാര്‍ത്ഥികള്‍ ജൈവ കര്‍ഷകനായ സലിം കാട്ടകത്തിന്റെ കൃഷിയിടത്തിലെത്തി.
ജൈവകൃഷിരീതിയെ കുറിച്ചുള്ള കുട്ടികളുടെ സംശയങ്ങള്‍ക്ക് സലിം മറുപടി നല്‍കി. സ്‌കൂളില്‍ കൃഷി നടത്തുന്നതിനാവശ്യമായ വിത്തുകളും അദ്ദേഹം കുട്ടികള്‍ക്ക് നല്‍കി. സീഡ് കോ-ഓര്‍ഡിനേറ്റര്‍ റസ്‌നി, അധ്യാപിക ഷക്കീല, വിദ്യാര്‍ത്ഥികള്‍ അനുഷ, ഐശ്വര്യ, പുണ്യ, അഭിനവ് തുടങ്ങിയവര്‍ നേതൃത്വം നല്‍കി.