വടക്കഞ്ചേരി: മദര്‍ തെരേസ യു.പി. സ്‌കൂളില്‍ സീഡ് ക്ലബ്ബിന്റെ പ്രവര്‍ത്തനങ്ങള്‍ക്ക് തുടക്കമായി. സ്‌കൂളിലൊരുക്കിയ ഗ്രോ ബാഗില്‍ പച്ചക്കറി നട്ട് ജൈവകര്‍ഷകസമിതി സെക്രട്ടറി ബോബി കെ. സേവ്യര്‍ പദ്ധതി ഉദ്ഘാടനം ചെയ്തു. കുട്ടികള്‍ ഗ്രോ ബാഗില്‍ വളര്‍ത്തിയ പച്ചക്കറിച്ചെടികളും സ്‌കൂള്‍മുറ്റത്ത് വെച്ചു.
പ്രധാനാധ്യാപിക എം.പി. ശശികല, സീഡ് ക്ലബ്ബ് കണ്‍വീനര്‍ എം. രമാദേവി, സി. രജനി, ദീപ സി. എന്നിവര്‍ സംസാരിച്ചു. ജൈവപച്ചക്കറിക്കൃഷിയില്‍ സ്വയംപര്യാപ്തത നേടാനുള്ള വടക്കഞ്ചേരി പഞ്ചായത്തിന്റെ ശ്രമത്തിലും സ്‌കൂള്‍ പങ്കാളിയാകും.
