പട്ടാമ്പി: ആമയൂര്‍ എ.യു.പി. സ്‌കൂളില്‍ സീഡ് പ്രവര്‍ത്തനങ്ങള്‍ക്ക് തുടക്കമായി. പയര്‍വിത്ത് നട്ട് പരിസ്ഥിതിപ്രവര്‍ത്തകനും പ്രകൃതിമിത്ര പുരസ്‌കാരജേതാവുമായ മോഹന്‍ദാസ് ഇടിയത്ത് ഉദ്ഘാടനം നിര്‍വഹിച്ചു. സ്‌കൂളില്‍ പുതുതായി നിര്‍മിച്ച കിച്ചണ്‍ കം സ്റ്റോറിന്റെ ഉദ്ഘാടനം എ.ഇ.ഒ. ഡി. ഷാജിമോന്‍ നിര്‍വഹിച്ചു.
കൊപ്പം ഗ്രാമപ്പഞ്ചായത്തംഗം ജയശ്രീ അധ്യക്ഷയായി. എസ്.എസ്.എല്‍.സി., പ്ലസ്ടു സമ്പൂര്‍ണ എ പ്ലസ് വിജയികള്‍ക്കുള്ള അനുമോദനം ആനക്കര ഡയറ്റ് അക്കാദമിക് കോ-ഓര്‍ഡിനേറ്റര്‍ ഷഹീദലിയും യൂണിഫോം വിതരണം ബി.പി.ഒ. മുഹമ്മദലിയും നിര്‍വഹിച്ചു. ഹെഡ്മാസ്റ്റര്‍ കെ.കെ. അജയകുമാര്‍, പി.ടി.എ. പ്രസിഡന്റ് സി. ഉമ്മര്‍, പി.കെ. വാസുദേവന്‍, ശങ്കരനാരായണന്‍, കെ. രാധ, കെ.എം. പത്മജ, എന്‍.പി. വാസുദേവന്‍, ഇ.ടി. അബ്ദുള്‍സമദ് എന്നിവര്‍ സംസാരിച്ചു.
