കോട്ടയം: ഏഴാം വര്‍ഷത്തിലേക്ക് പ്രവേശിക്കുന്ന 'സീഡ്' പ്രവര്‍ത്തനത്തിന്റെ അധ്യാപക കോ-ഓര്‍ഡിനേറ്റര്‍മാര്‍ക്കുള്ള പരിശീലനം വ്യാഴാഴ്ച നടക്കും. രാവിലെ 10.30ന് പൊന്‍കുന്നം ശ്രേയസ് പബ്ലിക് സ്‌കൂള്‍ ഹാളില്‍ കാഞ്ഞിരപ്പള്ളി എ.ഇ.ഒ. സി.എന്‍.തങ്കച്ചന്‍ ഉദ്ഘാടനം ചെയ്യും. ഫെഡറല്‍ ബാങ്ക് പാലാ റീജണല്‍ ഹെഡ് ടോം തോമസ് തെക്കേല്‍ മുഖ്യപ്രഭാഷണം നടത്തും.
കൃഷിവകുപ്പ് ഡെപ്യൂട്ടി ഡയറക്ടര്‍ സി.ഗീത, ശ്രേയസ് പബ്ലിക് സ്‌കൂള്‍ പ്രിന്‍സിപ്പല്‍ ഡോ.ബി.സന്തോഷ്, മാതൃഭൂമി കോട്ടയം സീനിയര്‍ റീജണല്‍ മാനേജര്‍ എസ്.രാജേന്ദ്രപ്രസാദ്, മാതൃഭൂമി സോഷ്യല്‍ ഇനിഷ്യേറ്റീവ്‌സ് എക്‌സിക്യൂട്ടീവ് റോണി ജോണ്‍ എന്നിവര്‍ പ്രസംഗിക്കും. മാതൃഭൂമി സീനിയര്‍ റിപ്പോര്‍ട്ടര്‍ കെ.ആര്‍.പ്രഹ്ലാദന്‍ ക്ലസ്സെടുക്കും.
അധ്യാപക കോ-ഓര്‍ഡിനേറ്റര്‍മാര്‍ക്കൊപ്പം ഒരു വിദ്യാര്‍ഥി പ്രതിനിധിക്കും പങ്കെടുക്കാം. വിവരങ്ങള്‍ക്ക് ഫോണ്‍: 9809314586.
