കൊല്ലം: കടയ്ക്കല്‍ സര്‍ക്കാര്‍ ഹൈസ്‌കൂളില്‍ പ്രവര്‍ത്തിക്കുന്ന മാതൃഭൂമി സീഡ് യൂണിറ്റ് പകര്‍ച്ചപ്പനി പ്രതിരോധ പ്രവര്‍ത്തനങ്ങളുമായി സമൂഹത്തിലേക്ക്. ജില്ലാ ഹോമിയോപ്പതി വിഭാഗത്തിന്റെ സഹായത്തോടെയുള്ള മെഡിക്കല്‍ ക്യാമ്പ് ജില്ലാ പഞ്ചായത്ത് മെമ്പര്‍ എസ്.ആനന്ദകുസുമം ഉദ്ഘാടനം ചെയ്തു. സ്‌കൂള്‍ പി.ടി.എ. പ്രസിഡന്റ് വി.സുബ്ബലാല്‍ അധ്യക്ഷത വഹിച്ചു. ഡോ. സരളാകുമാരി, ഡോ. ഷേര്‍ളി എന്നിവര്‍ ക്യാമ്പിന് നേതൃത്വം നല്‍കി. എച്ച്.എസ്., എച്ച്.എസ്.എസ്., വി.എച്ച്.എസ്.എസ്.വിഭാഗങ്ങളിലെ രണ്ടായിരത്തോളം വിദ്യാര്‍ഥികള്‍ക്കും അധ്യാപകര്‍ക്കും ജീവനക്കാര്‍ക്കും ക്യാമ്പിന്റെ പ്രയോജനം ലഭിച്ചു.
രോഗപ്രതിരോധ പ്രവര്‍ത്തനങ്ങളുടെ ഭാഗമായിട്ടുള്ള ശുചീകരണം, ക്ലോറിനേഷന്‍ എന്നിവയുടെ ഉദ്ഘാടനം ഹെഡ്മിസ്ട്രസ് സി.തങ്കമണി നിര്‍വഹിച്ചു. ഹെഡ്മിസ്ട്രസ് സി.തങ്കമണി സ്വാഗതവും സീഡ് കോ-ഓര്‍ഡിനേറ്റര്‍ വി.വിജയന്‍ നന്ദിയും പറഞ്ഞു.
