അനങ്ങനടി: അനങ്ങന്‍മല ഇക്കോടൂറിസം പദ്ധതിപ്രദേശത്ത് ആല്‍മരത്തണലൊരുക്കാന്‍ കടമ്പൂര്‍ ഗവ. ഹയര്‍സെക്കന്‍ഡറി സ്‌കൂളിലെ സീഡ് ക്ലബ്ബ്. കീഴൂര്‍ പണിക്കര്‍കുന്നില്‍ 50ഓളം ആല്‍മരത്തൈകള്‍ വെച്ചുപിടിപ്പിക്കുന്ന പരിപാടി ഫോറസ്റ്റ് റെയ്ഞ്ചര്‍ വി. അജയ്‌ഘോഷ് ഉദ്ഘാടനംചെയ്തു. അടയ്ക്കാപുത്തൂര്‍ സംസ്‌കൃതിയും കീഴൂര്‍ യുവതരംഗ് ക്ലബ്ബും വനസംരക്ഷണ സമിതിയും സീഡ് ക്ലബ്ബുമായി സഹകരിച്ചാണ് വൃക്ഷത്തൈനടല്‍ പദ്ധതിക്ക് തുടക്കംകുറിച്ചത്.
ജി. ബിനോജ്, എം. നിധീഷ്ഭരതന്‍, ഒ. ഹരിദാസ്, സീഡ് കോ-ഓര്‍ഡിനേറ്റര്‍ കെ. സതീഷ്‌കുമാര്‍, കെ. വിപിന്‍കുമാര്‍, ഇ. സന്തോഷ്‌കുമാര്‍, കെ. മുകുന്ദന്‍ എന്നിവര്‍ പങ്കെടുത്തു.
