ലക്കിടി: പേരൂര്‍ എ.എസ്.ബി. സ്‌കൂളിലെ സീഡ്, പരിസ്ഥിതി ക്ലബ്ബുകളുടെ നേതൃത്വത്തില്‍ 'പാതയോര തണല്‍' പദ്ധതിക്ക് തുടക്കമായി. പേരൂര്‍ കൃപലാനി റോഡില്‍ സ്‌കൂളിനുമുന്‍വശം 15ഓളം വൃക്ഷത്തൈകള്‍ നട്ടാണ് പദ്ധതിക്ക് തുടക്കമിട്ടത്. പൂവരശ്, ഉങ്ങ് എന്നീ തണല്‍വൃക്ഷങ്ങളാണ് നട്ടത്.
പ്രധാനാധ്യാപിക വി. മല്ലിക, പി.ടി.എ. പ്രസിഡന്റ് യു.പി. രവി, സ്‌കൂള്‍ വികസനസമിതി അധ്യക്ഷന്‍ കെ. ശ്രീനി, എസ്.ഡി.സി. ഉപാധ്യക്ഷന്‍ കെ. ഭാസ്‌കരന്‍നായര്‍ എന്നിവര്‍ ചേര്‍ന്ന് പരിപാടി ഉദ്ഘാടനംചെയ്തു. സീനിയര്‍ അധ്യാപിക കെ.പി. ഓമന, സീഡ് കോ-ഓര്‍ഡിനേറ്റര്‍ ടി. മുജീബ്, പി. രാജേന്ദ്രന്‍, പി. സജിത്, സീഡ് പരിസ്ഥിതിക്ലബ്ബ് പ്രവര്‍ത്തകര്‍ എന്നിവര്‍ നേതൃത്വം നല്‍കി. തുടര്‍ന്ന് 'എന്റെ വീട്ടിലൊരു തണല്‍മരം' പദ്ധതിയുടെ ഭാഗമായി വിദ്യാര്‍ഥികള്‍ക്ക് വൃക്ഷത്തൈകള്‍ വിതരണംചെയ്തു.
