ലഹരിവിരുദ്ധ ദിനാചരണം

തൃക്കൊടിത്താനം: അയര്‍ക്കാട്ടുവയല്‍ പയനിയര്‍ യു.പി.സ്‌കൂളില്‍ ലഹരിവിരുദ്ധ ദിനാചരണം നടത്തി. ലഹരിവിരുദ്ധ റാലിയുമുണ്ടായിരുന്നു. മാതൃഭൂമി സീഡ് ക്ലബ്ബിന്റെ നേതൃത്വത്തില്‍ ലഘുലേഖ വിതരണവും നടത്തി. പൊതുസമ്മേളനം പ്രഥമാധ്യാപിക വി.ആര്‍.പ്രസന്നകുമാരി ഉദ്ഘാടനം ചെയതു. രക്ഷാകര്‍ത്താക്കള്‍ക്കായി ലഹരിവിരുദ്ധ ക്ലാസ്സും നടന്നു. മഞ്ജു സുജിത്ത് ക്ലാസ് നയിച്ചു. ഉണ്ണികൃഷ്ണന്‍ നായര്‍, ഉഷ ബി.കുറുപ്പ്, പി.പ്രസീമ, ബി.പാര്‍വതി എന്നിവര്‍ സംസാരിച്ചു.