ജീവദാന സന്ദേശവുമായി കാര്‍മ്മലിന്റെ 'രക്തദാനസേന'

 കൊട്ടാരക്കര: കാര്‍മ്മല്‍ റസിഡന്‍ഷ്യല്‍ സീനിയര്‍ സെക്കന്‍ഡറി സ്‌കൂളിലെ 'കാര്‍മ്മല്‍ ഹരിത' സീഡ് ക്ലബിന്റെ ആഭിമുഖ്യത്തില്‍ രക്തദാന ദിനത്തോടനുബന്ധിച്ച് 'രക്തദാനസേന' രൂപവത്കരിച്ചു. പ്രിന്‍സിപ്പല്‍ ബീന സി.എ.യുടെ നേതൃത്വത്തില്‍ അധ്യാപകരുടെ ഒരു സംഘം കൊട്ടാരക്കര താലൂക്ക് ആസ്പത്രിയിലെത്തി രക്തം ദാനംചെയ്തു. 'രക്തദാനം ജീവദാനമെന്ന' സന്ദേശം പകരുന്നതിന് സീഡ് അംഗങ്ങള്‍ സ്‌കൂള്‍ വാര്‍ത്താബോര്‍ഡില്‍ പോസ്റ്ററുകളും ചിത്രങ്ങളും പ്രദര്‍ശിപ്പിച്ചു.