പരിസ്ഥിതി ദിനാചരണത്തോടെ നവോദയയില്‍ സീഡ് പ്രവര്‍ത്തനം തുടങ്ങി

റാന്നി: പരിസ്ഥിതി ദിനാചരണത്തോടെ വെച്ചൂച്ചിറ ജവഹര്‍ നവോദയ വിദ്യാലയത്തിലെ മാതൃഭൂമി സീഡ് ക്ലബ്ബിന്റെ ഈ വര്‍ഷത്തെ പ്രവര്‍ത്തനങ്ങള്‍ക്ക് തുടക്കമായി.
മാവേലിക്കര പീറ്റ് മെമ്മോറിയല്‍ ട്രെയിനിങ് കോളേജിലെ അസോസിയേറ്റ് പ്രൊഫസര്‍ തോമസ് ഉഴവത്ത് സീഡ് ക്ലബ്ബിന്റെ പ്രവര്‍ത്തനം ഉദ്ഘാടനം ചെയ്തു. വിദ്യാലയവളപ്പില്‍ വൃക്ഷത്തൈ നട്ടുകൊണ്ടാണ് ഉദ്ഘാടനം നിര്‍വഹിച്ചത്. നവോദയ പ്രിന്‍സിപ്പല്‍ പി.ജി.നന്ദകുമാര്‍, വൈസ് പ്രിന്‍സിപ്പല്‍ ജോണ്‍സണ്‍ രാജ് എന്നിവര്‍ പ്രസംഗിച്ചു. തോമസ് ഉഴവത്ത് പരിസ്ഥിതിസംരക്ഷണ ബോധവത്കരണ ക്ലാസെടുത്തു.