ഊരകം: ജവഹര്‍നവോദയ വിദ്യാലയത്തിലെ പരിസ്ഥിതിദിനാചരണം വിവിധപരിപാടികളോടെ ആഘോഷിച്ചു. ഊരകം പഞ്ചായത്തിന്റെ സഹകരണത്തോടെ സ്‌കൂളില്‍ 100 വൃക്ഷത്തൈകള്‍ നട്ടു. തുടര്‍ന്ന് ജില്ലാതല പോസ്റ്റര്‍, ക്വിസ് മത്സരങ്ങള്‍ നടന്നു. ക്വിസ് മത്സരത്തില്‍ അനസ് സി.കെ. ഒന്നാംസ്ഥാനവും, അനൂജ് എം., നിധിന്‍ എന്നിവര്‍ രണ്ടാംസ്ഥാനവും നേടി. പോസ്റ്റര്‍ മത്സരത്തില്‍ നവോദയവിദ്യാലയത്തിലെ തന്നെ അതുല്യ ഉണ്ണി ഒന്നാംസ്ഥാനം കരസ്ഥമാക്കി. പ്രിന്‍സിപ്പല്‍ ശ്രീലേഖ കെ., ടി.എം. രാമചന്ദ്രന്‍, സീഡ് കോഓര്‍ഡിനേറ്റര്‍ കെ.കെ. പ്രേംകുമാര്‍ എന്നിവര്‍ പ്രസംഗിച്ചു.
