പാലക്കാട്: കൃഷി പാഠങ്ങള്‍ സ്‌കൂളിലും സമൂഹത്തിലും പ്രചരിപ്പിക്കുന്ന എടത്തനാട്ടുകര പി.കെ.എച്ച്.എം.ഒ.യു.പി.സ്‌കൂള്‍ ജില്ലയിലെ ശ്രേഷ്ഠ ഹരിതവിദ്യാലയമായി. രണ്ടര ഏക്കറില്‍ വരുന്ന സ്‌കൂള്‍ പച്ചക്കറിത്തോട്ടത്തില്‍ 25 ഓളം ഇനത്തില്‍പ്പെട്ട പച്ചക്കറികള്‍ വിളവെടുത്തു. നെല്‍വയല്‍ സംരക്ഷണ പ്രവര്‍ത്തനങ്ങള്‍, പൂവാക മരങ്ങളുടെ സംരക്ഷണം, ഔഷധസസ്യത്തോട്ട പരിപാലനം, പ്രകൃതി സംരക്ഷണ റാലികള്‍ മറ്റും സീഡ് പ്രവര്‍ത്തനത്തിന്റെ ഭാഗമാണ്. മാതൃഭൂമി സീഡിന്റെയും സംസ്ഥാന കൃഷി വകുപ്പിന്റേതടക്കം മുന്‍വര്‍ഷങ്ങളിലെ പുരസ്‌കാരങ്ങള്‍ ഈ ഹരിതവിദ്യാലയത്തിന് സ്വന്തം.
