ആര്യമ്പാവ്: കുമരംപുത്തൂര്‍ എ.യു.പി. സ്‌കൂളില്‍ വിദ്യാര്‍ഥികള്‍ക്കായി രണ്ടുദിവസമായി നടന്ന സ്കൂൾ സീഡ് ക്ലബ്ബിന്റെ സഹവാസക്യാമ്പ് ശ്രദ്ധേയമായി.
പുത്തന്‍ അറിവുകളിലൂടെ പ്രകൃതിയെയും മനുഷ്യനെയും അടുത്തറിയുക എന്നതായിരുന്നു ക്യാമ്പിന്റെ ലക്ഷ്യം.
ക്യാമ്പ് അരിയൂര്‍ബാങ്ക് പ്രസിഡന്റ് അഡ്വ. ടി.എ. സിദ്ധിഖ് ഉദ്ഘാടനം ചെയ്തു. സാഹിത്യകാരന്‍ കെ.പി.എസ്. പയ്യനെടം അധ്യക്ഷനായി.
പ്രൊഫ. സാബുഐപ്പ്, ടോംസ് വര്‍ഗീസ്, കെ.പി.എസ്. പയ്യനെടം, കെ. കവിത, പി.എന്‍. നാരായണന്‍ നമ്പൂതിരി, മണിലാല്‍, അപ്പുക്കുട്ടന്‍ എന്നിവര്‍ വിവിധ വിഷയങ്ങളില്‍ ക്ലൂസ് നയിച്ചു.
പി.ടി.എ. പ്രസിഡന്റ് ജയന്‍ അരിയൂര്‍, പി.വി. ശ്രീകുമാര്‍, പ്രധാനാധ്യാപകന്‍ പി.ഇ. മത്തായി എന്നിവര്‍ പ്രസംഗിച്ചു.
