ട്രാഫിക് ബോധവത്കരണ ക്ലാസ് നടത്തി

 

പരിയാരം: റോഡ് സുരക്ഷാവാരാചരണത്തിന്റെ ഭാഗമായി ട്രാഫിക് നിയമങ്ങളെക്കുറിച്ച് വിദ്യാര്‍ഥികളെ ബോധവാന്മാരാക്കുന്നതിന് ഉര്‍സുലൈന്‍ സീനിയര്‍ സെക്കന്‍ഡറി സ്‌കൂളില്‍ അസി. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ രാമനാഥന്‍ ബോധവത്കരണ ക്ലാസ് നടത്തി.

 മാതൃഭൂമി സീഡ് ക്ലബ്ബിലെ അംഗങ്ങളായ വിദ്യാര്‍ഥികള്‍ പ്രിന്‍സിപ്പല്‍ സി.ഷെറിലിന്റെ നേതൃത്വത്തില്‍ റാലിയും നടത്തി. ഹെല്‍മെറ്റില്ലാതെയും സീറ്റ് ബെല്‍ട്ട് ധരിക്കാതെയും യാത്ര ചെയ്തവര്‍ക്ക് ലഘുലേഖകള്‍ വിതരണംചെയ്തു. 

നിയമം പാലിച്ച് യാത്രചെയ്തവര്‍ക്ക് ഫ്രണ്ട് ലി ബാന്‍ഡ് നല്‍കി അനുമോദിച്ചു. പരിയാരം പോലീസ് സ്റ്റേഷനിലെ പോലീസുകാരും കുട്ടികളെ സഹായിച്ചു.