കുഴല്‍മന്ദം: 'സമൂഹനന്മ വിദ്യാര്‍ഥികളിലൂടെ' എന്ന ലക്ഷ്യം മുന്‍നിര്‍ത്തി ചിതലി ഭവന്‍സ് വിദ്യാമന്ദിറിലെ മാതൃഭൂമി സീഡിന്റെ പ്രവര്‍ത്തകര്‍ വിവിധ പരിപാടികള്‍ സംഘടിപ്പിച്ചു. രാവിലെ കുഴല്‍മന്ദത്ത് റാലി നടന്നു.
തുടര്‍ന്ന്, മലയാളം ക്ലബ്ബ് വിദ്യാര്‍ഥികള്‍ പരിസ്ഥിതിസംരക്ഷണം എന്ന വിഷയം മുന്‍നിര്‍ത്തി തെരുവുനാടകം അവതരിപ്പിച്ചു. പരിപാടിയോടനുബന്ധിച്ച് വിവിധതരം പച്ചക്കറി വിത്തുകളുടെ വിതരണവും നടന്നു. സ്‌കൂളിലും വിവിധ ക്ലബ്ബുകളുടെ ആഭിമുഖ്യത്തില്‍ റാലിയും പരിസ്ഥിതി സംബന്ധമായ നാടകവും പാട്ടും സംഘടിപ്പിച്ചു.
സ്‌കൂള്‍ സെക്രട്ടറി പ്രൊഫ. സോമശേഖരന്‍, പ്രിന്‍സിപ്പല്‍ സുഭദ്രാ മുരളീധരന്‍, പി.ടി.എ. അംഗങ്ങള്‍, അധ്യാപകര്‍ എന്നിവര്‍ നേതൃത്വം നല്‍കി.
