ശ്രീകൃഷ്ണപുരം: ശ്രീകൃഷ്ണപുരം ഹയര്‍സെക്കന്‍ഡറി സ്‌കൂള്‍ സീഡ് ക്ലബ്‌ വിദ്യാര്‍ഥികളും വെങ്കളപ്പാടത്ത് കൊയ്ത്തുത്സവം നടത്തി.
40 സെന്റ് ഭൂമിയില്‍ കുട്ടികള്‍ ഇറക്കിയ കൃഷിയുടെ വിളവെടുപ്പാണ് നടന്നത്. പൊന്‍മണിയാണ് കൃഷി ചെയ്തിരുന്നത്. വെങ്കളപ്പാടത്തും കൊണ്ടാരത്ത് പാടത്തുമായി മൂന്ന് ഏക്കര്‍ വയലിലാണ് കൃഷിയിറക്കിയിരുന്നത്.
എം. ഹംസ എം.എല്‍.എ. ഉദ്ഘാടനം ചെയ്തു. പി.ടി.എ. പ്രസിഡന്റ് വി.സി. ഉണ്ണിക്കൃഷ്ണന്‍ അധ്യക്ഷനായി. പ്രിന്‍സിപ്പല്‍ എം.എസ്.എന്‍. സുധാകരന്‍, സന്തോഷ്, രവികുമാര്‍, തോമസ്, വിദ്യാധരന്‍, നന്ദിനി എന്നിവര്‍ പ്രസംഗിച്ചു. സാമൂഹിക സേവനത്തിനാണ് കൃഷിയില്‍നിന്നുള്ള ആദായം വിനിയോഗിക്കുകയെന്ന് വിദ്യാര്‍ഥികള്‍ അറിയിച്ചു.
