പറക്കോട്: എന്‍.എസ്.യു.പി. സ്‌കൂളില്‍ മാതൃഭൂമി സീഡ്ക്ലൂബ്ബിന്റെ നേതൃത്വത്തില്‍ സ്വാമി വിവേകാനന്ദന്റെ 152-ാം ജന്മദിനാചരണം നടത്തി. സ്വാമി വിവേകാനന്ദന്റെ ജീവചരിത്രം കുട്ടികള്‍ക്ക് മനസ്സിലാക്കിക്കൊടുത്ത് ബാലഗോകുലം അടൂര്‍ താലൂക്ക് മുഖ്യകാര്യദര്‍ശി സന്തോഷ് ശ്രീനാരായണപുരം ക്ലൂസ്സെടുത്തു. സ്‌കൂളിലെ എല്ലാ കുട്ടികള്‍ക്കും സ്വാമിവിവേകാനന്ദന്റെ ചിത്രവും പുസ്തകങ്ങളും തിരുവല്ല ശ്രീരാമകൃഷ്ണാശ്രമത്തിന്റെ വകയായി നല്കി. സ്റ്റാഫ് സെക്രട്ടറി എസ്.അനില്‍കുമാര്‍ അധ്യക്ഷതവഹിച്ചു. എല്‍. ഉഷാദേവി, സി.രമാദേവി, എന്‍.ആര്‍.ഉഷാകുമാരി, ജി.ലേഖ,എന്‍.വിജയകുമാരന്‍നായര്‍ എന്നിവര്‍ പ്രസംഗിച്ചു. ഹെഡ്മിസ്ട്രസ് എ.എസ്.മിനി സ്വാഗതവും സീഡ് കോ-ഓര്‍ഡിനേറ്റര്‍ നിഷ എസ്.കൃഷ്ണന്‍ നന്ദിയും പറഞ്ഞു. പരിപാടികള്‍ക്ക് സീഡ് ക്ലൂബ്ബംഗങ്ങളായ സിബിന്‍, പൂജ, ഗായത്രി, അര്‍ജുന്‍, ജൂബി, പാര്‍വതി എന്നിവര്‍ നേതൃത്വം നല്കി.
