ശില്പികളുടെയും ചിത്രകാരന്മാരുടെയും കൂട്ടായ്മ

 

പയ്യന്നൂര്‍: ഏറ്റുകുടുക്ക എ.യു.പി.സ്‌കൂളിലെ സീഡ് ക്ലബ്ബും ഡി.വൈ.എഫ്.ഐ. ആലപ്പടമ്പ് വെസ്റ്റ് മേഖലാ കമ്മിറ്റിയും നാട്ടുകാരുടെ സഹകരണത്തോടെ സ്‌കൂളിലെ വിദ്യാര്‍ഥി ലിജിന്‍ രാജിന് നിര്‍മിച്ചു നല്കുന്ന വീടിനായി ശില്പികളും ചിത്രകാരന്മാരും ഒത്തുചേരുന്നു. ജനവരി നാലിന് രാവിലെ ഒമ്പതുമുതല്‍ വൈകീട്ട് അഞ്ചുവരെയാണ് കൂട്ടായ്മ. കണ്ണൂര്‍കാസര്‍കോട് ജില്ലകളിലെ ശില്പികളും ചിത്രകാരന്മാരുമാണ് എത്തിച്ചേരുക. വീടിന്റെ പ്രവൃത്തിയിലും പെയിന്റിങ്ങിലും ഇവര്‍ പങ്കാളികളാകും. പയ്യന്നൂര്‍ ബ്ലോക്ക് പഞ്ചായത്ത് പ്രസിഡന്റ് പി.വി.ഗൗരി ഉദ്ഘാടനം ചെയ്യും.