കോട്ടയം: നാളികേരജേണല്‍ വിതരണം ചെയ്തു

കോട്ടയം: നാളികേര വികസന ബോര്‍ഡിന്റെ സഹകരണത്തോടെ കോട്ടയം ജില്ലയിലെ പെരുവ ഗേള്‍സ് ഹൈസ്‌കൂളിലെ 'സീഡ്' അംഗങ്ങള്‍ക്ക് ഇന്ത്യന്‍ നാളികേര ജേണല്‍ സൗജന്യമായി വിതരണംചെയ്ത് കേരത്തെയും കേരളത്തെയും സ്‌നേഹിക്കാനും സംരക്ഷിക്കാനും കൂടുതല്‍ താല്പര്യം ജനിപ്പിക്കാനും അവസരമൊരുക്കുകയാണ്. കേരത്തെയും കേരകര്‍ഷകരെയും പ്രോത്സാഹിപ്പിക്കാന്‍ മാതൃഭൂമി സീഡ് അധ്യാപക കോഓര്‍ഡിനേറ്റര്‍മാരായ ജോണ്‍, പ്രതീഷ് എന്നിവരുടെ നേതൃത്വത്തിലുള്ള സീഡ് ക്ലബ്ബ് അംഗങ്ങള്‍ ഒരുങ്ങിക്കഴിഞ്ഞു.