കൊടുങ്ങല്ലൂര്‍: അന്താരാഷ്ട്ര മണ്ണ്-പ്രകാശ വര്‍ഷാചരണത്തിന്റെ ഭാഗമായി മേത്തല ബാലാനുബോധിനി യു.പി. സ്‌കൂളില്‍ മാതൃഭൂമി സീഡിന്റെ ആഭിമുഖ്യത്തില്‍ വിദ്യാര്‍ത്ഥികള്‍ കൈകളില്‍ വൃക്ഷത്തൈകളുമായി പുതുവര്‍ഷ സ്വാഗതഗാനം ആലപിച്ചു. സ്‌കൂള്‍ മാനേജര്‍ പി.കെ. ജയാനന്ദന്‍ പുതുവത്സര സന്ദേശം നല്‍കി. പ്രധാനാധ്യാപിക സി. രാഗിണി മണ്ണ്-പ്രകാശ വര്‍ഷ ദിനാചരണത്തിന്റെ പ്രാധാന്യത്തെക്കുറിച്ച് സംസാരിച്ചു. തുടര്‍ന്ന് കുട്ടികളുടെ കലാപരിപാടികള്‍ നടത്തി. പി.കെ. അശോക്കുമാര്‍, എന്‍.ജി. ജയറാം, കെ.ആര്‍. റജി, കെ.വി. ഷീല എന്നിവര്‍ പ്രസംഗിച്ചു.
