ശ്രീകൃഷ്ണപുരം: നാളെയുടെ തണല്‍ നട്ടുകൊണ്ട് സെന്റ് ഡൊമിനിക്‌സ് കോണ്‍വെന്റ് ഇംഗ്ലീഷ് മീഡിയം സ്‌കൂള്‍ ശ്രീകൃഷ്ണപുരം മൈട്രീ ചാലഞ്ചില്‍ പങ്കെടുത്തു. ബൊമ്മണൂര്‍ സ്‌കൂളിന്റെ ചാലഞ്ചാണ് ഇവര്‍ ഹൃദയപൂര്‍വം ഏറ്റെടുത്തത്. ശ്രീകൃഷ്ണപുരം കൃഷിവകുപ്പ് ഓഫീസര്‍ അനൂപിന്റെ സാന്നിധ്യത്തില്‍ സീഡ് പ്രസിഡന്റ് അഭിജിത്ത്, സീഡ് റിപ്പോര്‍ട്ടര്‍ അഞ്ജന, സീഡ് പോലീസിനെ പ്രതിനിധാനംചെയ്തുകൊണ്ട് സിറില്‍ എന്നിവര്‍ വൃക്ഷത്തൈകള്‍ നട്ടുപിടിപ്പിച്ചു. വെള്ളിനേഴി എച്ച്.എസ്.എസ്., കരിങ്കല്ലത്താണി എഫ്.എം.എച്ച്.എസ്., കാട്ടുകുളം എച്ച്.എസ്.എസ്. എന്നീ സ്‌കൂളുകളെ ഇവര്‍ ചാലഞ്ച് ചെയ്യുന്നതായും പ്രഖ്യാപിച്ചു. പ്രിന്‍സിപ്പല്‍ സിസ്റ്റര്‍ സ്റ്റെല്ല ഒ.പി., വൈസ് പ്രിന്‍സിപ്പല്‍ സിസ്റ്റര്‍ സിജി ഒ.പി., സീഡ് കോ-ഓര്‍ഡിനേറ്റര്‍ ഇ. സൗമ്യ എന്നിവരോടൊപ്പം മറ്റ് അധ്യാപകരും വിദ്യാര്‍ഥികളും ചടങ്ങില്‍ പങ്കെടുത്തു.
