തിരുവിഴാംകുന്ന്: ശിശുദിനാഘോഷങ്ങളുടെ ഭാഗമായി തിരുവിഴാംകുന്ന് സി.പി.എ.യു.പി. സ്‌കൂളില്‍ കുട്ടികളുടെ ശിശുദിന സന്ദേശറാലി നടത്തി. സ്‌കൗട്‌സ്, മാതൃഭൂമി സീഡ് ക്ലൂബ്ബ്, സോഷ്യല്‍ ക്ലബ്ബ് എന്നിവയുടെ നേതൃത്വത്തിലാണ് സൈക്കിള്‍റാലി സംഘടിപ്പിച്ചത്.
ചിത്രരചനാമത്സരം, പോസ്റ്റര്‍ മത്സരം, പ്രശ്‌നോത്തരി എന്നിവയും ഉണ്ടായി. വിവിധ പോസ്റ്ററുകളുടെ പ്രദര്‍ശനം നടത്തി.
സീനിയര്‍ അധ്യാപിക കെ.ഗീത ഉദ്ഘാടനംചെയ്തു. മുഹമ്മദ്പാഷ അധ്യക്ഷനായി. ശ്രീവത്സന്‍, ജയചന്ദ്രന്‍ ചെത്തല്ലൂര്‍, അബ്ദുള്‍കരീം, രഞ്ജിത്ത്, ജയന്‍ എന്നിവര്‍ നേതൃത്വം നല്‍കി.
