ചാത്തന്നൂര്‍: മൈലക്കാട് ആദിച്ചനല്ലൂര്‍ പഞ്ചായത്ത് യു.പി.സ്‌കൂളില്‍ സീഡ് പദ്ധതിക്ക് തുടക്കമായി. ഗ്രാമപ്പഞ്ചായത്ത് പ്രസിഡന്റ് ഷെര്‍ളി സ്റ്റീഫന്‍ തെങ്ങിന്‍തൈ നട്ടുകൊണ്ട് ഉദ്ഘാടനം നിര്‍വഹിച്ചു.
അധ്യാപക പ്രതിനിധിയും 5, 6, 7 ക്ലാസ്സുകളിലെ ഓരോ വിദ്യാര്‍ഥി പ്രതിനിധികളും ഓരോ തെങ്ങിന്‍തൈ നട്ടു. വിദ്യാര്‍ഥികളിലൂടെ, അധ്യാപകരിലൂടെ സമൂഹത്തിലേക്ക് എന്ന ആശയമാണ് സ്‌കൂള്‍ ലക്ഷ്യമിടുന്നത്.
ഗ്രാമപ്പഞ്ചായത്ത് അംഗം കെ.എസ്.അനീഷ്, പി.റ്റി.എ. പ്രതിനിധികളായ അനില്‍കുമാര്‍, ഷെരീഫ്, പ്രഥമാധ്യാപകന്‍ ജി.എസ്.ആദര്‍ശ്, സീഡ് കോ-ഓര്‍ഡിനേറ്റര്‍ എ.സെലീനാ ബീവി, അധ്യാപകരായ ജലീല്‍, ബിന്ദു, ബീന, വിദ്യാര്‍ഥികളായ നന്ദു, രഹിലാല്‍, ആദിന്‍ഷാ, മാതൃഭൂമി ലേഖകന്‍ പ്രദീപ് ചാത്തന്നൂര്‍, സെയില്‍സ് പ്രമോട്ടര്‍ മുരളീധരന്‍ പിള്ള എന്നിവര്‍ പങ്കെടുത്തു.
