പടിയൂര്‍: കൃഷിയെ സ്‌നേഹിക്കുന്ന വിദ്യാര്‍ത്ഥികള്‍ വിദ്യാലയമുറ്റത്ത് കരനെല്‍ക്കൃഷി ആരംഭിച്ചു. എടതിരിഞ്ഞി എച്ച്.ഡി.പി.സമാജം ഇംഗ്ലീഷ് മിഡിയം സ്‌കൂളിലെ സീഡ് വിദ്യാര്‍ത്ഥികളാണ് മുറ്റത്ത് കരക്കൃഷി ആരംഭിച്ചത്. പച്ചിലവളവും ചാണകപ്പൊടിയും വേപ്പിന്‍ പിണ്ണാക്കും ഉപയോഗിച്ച് ഒരുക്കിയനിലത്തും ചാക്കുകളിലുമായിട്ടാണ് കൃഷി.
രമണിക ഇനത്തില്‍പ്പെട്ട നെല്ലാണ് ഉപയോഗിച്ചിരിക്കുന്നത്. കൃഷിയുടെ ഉദ്ഘാടനം കോ-ഓര്‍ഡിനേറ്റര്‍ പി. ശ്രീദേവി, പ്രിന്‍സിപ്പല്‍ ടി.ജെ. ബിനി എന്നിവര്‍ ചേര്‍ന്ന് നിര്‍വ്വഹിച്ചു.
രക്ഷാകര്‍ത്തൃ പ്രതിനിധികളും അധ്യാപകരും സീഡ് അംഗങ്ങളായ നീരജ്, അഭിനന്ദ്, മനുശങ്കര്‍, തേജശ്രീ, അനീഷ തുടങ്ങിയവര്‍ നേതൃത്വം നല്‍കി.
