ശാസ്‌ത്രോത്സവത്തില്‍ പേപ്പര്‍ ബാഗുകള്‍ നല്‍കി സീഡ് ക്ലബ്ബ്‌

 ഒറ്റപ്പാലം: ഉപജില്ലാ ശാസ്‌ത്രോത്സവത്തില്‍ രജിസ്‌ട്രേഷന്‍ കിറ്റായി സീഡ് ക്ലബ്ബ് പേപ്പര്‍ ബാഗുകള്‍ നല്‍കി. പ്ലാസ്റ്റിക്കിനെതിരെ ബോധവത്കരണവുമായാണ് കടമ്പൂര്‍ സ്‌കൂളിലെ സീഡ് ക്ലബ്ബ് പ്രവര്‍ത്തകര്‍ രംഗത്തെത്തിയത്. 
പ്രകൃതിയെ സംരക്ഷിക്കുക എന്ന മുദ്രാവാക്യവും ബാഗില്‍ രേഖപ്പെടുത്തിയിട്ടുണ്ട്. കടമ്പൂര്‍ ഗവ. ഹയര്‍സെക്കന്‍ഡറി സ്‌കൂളിലെ ശാസ്‌ത്രോത്സവ ഉദ്ഘാടനവേദിയില്‍ ഒറ്റപ്പാലം എ.ഇ.ഒ. വി.കെ. ദ്വാരകാനാഥന് സീഡ് കോ-ഓര്‍ഡിനേറ്റര്‍ സതീഷ് കുമാറും കുട്ടികളും ചേര്‍ന്ന് ബാഗുകള്‍ കൈമാറി.