കല്ലടിക്കോട്: പുലാപ്പറ്റ ഗവ. ഹയര്‍സെക്കന്‍ഡറി സ്‌കൂള്‍ സീഡ് ക്ലബ്‌ , നാഷണല്‍ സര്‍വീസ് സ്‌കീം യൂണിറ്റ് നെല്‍ക്കൃഷിയിലേക്ക്. സ്‌കൂളിന് സമീപത്തെ 50 സെന്റ് സ്ഥലം പാട്ടത്തിനെടുത്താണ് കൃഷി തുടങ്ങിയിരിക്കുന്നത്.
നിലം വൃത്തിയാക്കുന്നതുമുതല്‍ എല്ലാ കൃഷിപ്പണികളും കുട്ടികള്‍തന്നെയാണ് ചെയ്യുന്നത്. കൃഷി ഓഫീസര്‍ റോസ്ലിന്റെ നേതൃത്വത്തിലാണ് കുട്ടിക്കര്‍ഷകര്‍ നൂറുമേനി വിളയിക്കാനൊരുങ്ങുന്നത്.
നെല്‍ക്കൃഷി കടമ്പഴിപ്പുറം പഞ്ചായത്ത് പ്രസിഡന്റ് രവീന്ദ്രനാഥ് ഉദ്ഘാടനം ചെയ്തു. സിന്ധു, രാജന്‍, ബിജു ജോസ്, പ്രിന്‍സിപ്പല്‍ ആര്‍. രാജീവന്‍, ജോസ് എന്നിവര്‍ സംസാരിച്ചു.
