ചേലക്കര : പ്രകൃതിയെ സ്‌നേഹിക്കുക, സംരക്ഷിക്കുക എന്ന ലക്ഷ്യത്തോടെ മാതൃഭൂമി സീഡിന്റെ നേതൃത്വത്തില്‍ കാനനസന്ദര്‍ശനം നടത്തി. പങ്ങാരപ്പിള്ളി സെന്റ്. ജോസഫ്‌സ് യു.പി. സ്‌കൂളിലെ വിദ്യാര്‍ത്ഥികളാണ് അധ്യാപകരോടൊപ്പം സ്‌കൂളിനോട് ചേര്‍ന്ന് കിടക്കുന്ന പൂളക്കുണ്ട് വനപ്രദേശം സന്ദര്‍ശിച്ചത്. പ്രകൃതി ഭംഗി ആസ്വദിക്കുന്നതോടൊപ്പം വനത്തിലെ കാലാവസ്ഥ, സസ്യ, ജൈവ വൈവിദ്ധ്യം എന്നിവയെക്കുറിച്ച് അദ്ധ്യാപകനായ ഫാ. സേവി പുത്തിരി ബോധവത്കരണവും നടത്തി. പ്രകൃതിയെ സംരക്ഷിക്കുമെന്ന് വിദ്യാര്‍ത്ഥികള്‍ പ്രതിജ്ഞയെടുത്തു. സീഡ് കോ-ഓര്‍ഡിനേറ്റര്‍ ജെനില്‍ ജോണ്‍, ശശികല എന്നിവര്‍ നേതൃത്വം നല്‍കി
