സഹായഹസ്തവുമായി പുല്ലിച്ചിറ സെന്റ് മേരീസ് സ്‌കൂളിലെ സീഡ് കുട്ടിക്കൂട്ടം

 

പുല്ലിച്ചിറ സെന്റ് മേരീസ് ഇംഗ്‌ളീഷ് മീഡിയം സ്‌കൂളിലെ സീഡ് കുട്ടിക്കൂട്ടം ശേഖരിച്ച നിത്യോപയോഗ സാധനങ്ങള്‍ മയ്യനാട് എസ്.എസ്. സമിതി ഡയറക്ടര്‍ ഫ്രാന്‍സിസ് ഏറ്റുവാങ്ങുന്നു 

കൊട്ടിയം: മയ്യനാട് എസ്.എസ്. സമിതി അന്തേവാസികള്‍ക്ക്  കാരുണ്യഹസ്തവുമായി  പുല്ലിച്ചിറ സെന്റ് മേരീസ് ഇംഗ്ലീഷ് മീഡിയം സി.ബി.എസ്.ഇ. സ്‌കൂളിലെ സീഡ് കുട്ടിക്കൂട്ടം. മാതൃഭൂമി സീഡ് ക്ലബ്ബിന്റെ നേതൃത്വത്തില്‍ വിദ്യാര്‍ഥികള്‍ സമാഹരിച്ച നിത്യോപയോഗ സാധനങ്ങളാണ് എസ്.എസ്. സമിതിക്ക് കൈമാറിയത്. 

മയ്യനാട് എസ്.എസ്. സമിതിയില്‍ നടന്ന ചടങ്ങില്‍ ഡയറക്ടര്‍ ഫ്രാന്‍സിസ് ഏറ്റുവാങ്ങി. സ്‌കൂള്‍ പ്രിന്‍സിപ്പല്‍ സിസ്റ്റര്‍ സിസിലി റോക്കി, പ്രധാനാധ്യാപിക സ്വീറ്റി ക്രിസ്റ്റി, അധ്യാപകന്‍ സോളമന്‍, സീഡ് കോ ഓര്‍ഡിനേറ്റര്‍ ഷീല ആന്റണി തുടങ്ങിയവര്‍ നേതൃത്വം നല്‍കി. വിദ്യാര്‍ഥികള്‍ അന്തേവാസികള്‍ക്കായി അവതരിപ്പിച്ച കലാപരിപാടികള്‍ കൂട്ടായ്മയ്ക്ക് പകിട്ടേകി.