കോട്ടയം:മൃഗങ്ങളുടെ മുഖംമൂടിയണിഞ്ഞ് റാലി;വേറിട്ട കാഴ്ചയായി

വെള്ളൂർ: വന്യജീവി സംരക്ഷണ വാരാഘോഷത്തോടനുബന്ധിച്ച് വെള്ളൂർ ഭവൻസ് ന്യൂസ്പ്രിന്റ് വിദ്യാലയത്തിൽ സീഡ് ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച റാലി കൗതുകമായി. മൃഗങ്ങളുടെ മുഖംമൂടിയണിഞ്ഞ് വന്യജീവി സംരക്ഷണ മുദ്രാവാക്യങ്ങൾ മുഴക്കി വിദ്യാർഥികൾ റാലിയിൽ പങ്കെടുത്തു. സ്‌കൂളിൽനിന്നാരംഭിച്ച് ന്യൂസ്പ്രിന്റ് നഗറിൽ റാലി സമാപിച്ചു. പ്രിൻസിപ്പൽ കെ.ഉഷ, സുരേഷ് കെ. എന്നിവർ നേതൃത്വം നൽകി.