ചാന്നാനിക്കാട്: എസ്.എൻ. പബ്ലിക് സ്‌കൂളിൽ സീഡ് ക്ലബ്ബ് നടത്തിയ വിളവെടുപ്പുത്സവം സ്‌കൂൾ പ്രിൻസിപ്പൽ വി.എം.ചന്ദ്രശേഖരൻ നിർവഹിച്ചു. സീഡ് പ്രവർത്തകരായ കുട്ടികൾ സ്‌കൂൾവളപ്പിൽ നട്ട കപ്പയാണ് വിളവെടുത്തത്.
അധ്യാപകർക്കും കുട്ടികൾക്കും ചെറിയ തുകയ്ക്ക് കപ്പ വിറ്റു. ഈ തുക ജീവകാരുണ്യ പ്രവർത്തനങ്ങൾക്കാണ് വിനിയോഗിക്കുന്നത്.
ബാക്കിയുള്ള കപ്പ കുട്ടികളും അധ്യാപകരും ചേർന്ന് സ്‌കൂളിൽത്തന്നെ പാചകംചെയ്ത് കഴിച്ചു. സ്‌കൂൾ പ്രഥമാധ്യാപിക അനിതാ സാബു, സീഡ് ടീച്ചർ കോഓർഡിനേറ്റർ ദിവ്യ കേശവൻ, അധ്യാപകരായ ശ്രീജ, അനീഷ എന്നിവർ നേതൃത്വം നൽകി.
