മഴനനഞ്ഞ് വാരത്തെ കുട്ടികള്‍

 കണ്ണൂര്‍: വാരം യു.പി. സ്‌കൂളിലെ സീഡ് ക്ലബ്ബിന്റെ നേതൃത്വത്തില്‍ മാടായിപ്പാറയില്‍ മഴനനയല്‍ ക്യാമ്പ് നടത്തി. മാടായിപ്പാറയിലെ ജൈവവൈവിധ്യം പഠിക്കാനും മാടായിപ്പാറ നേരിടുന്ന പ്രശ്‌നങ്ങള്‍ പഠിക്കാനും ക്യാമ്പംഗങ്ങള്‍ ഈ അവസരം പ്രയോജനപ്പെടുത്തി. അശോകന്‍ മാടായി ക്ലാസെടുത്തു. സീഡ് കോ ഓര്‍ഡിനേറ്റര്‍ ടി.സുരേശന്‍, സി.എ.മധുസൂദനന്‍, കെ.തുഷാര്‍, കെ.പി.നിഖില്‍, ഇ.ബിനു, രമ്യ വി.ആര്‍. എന്നിവര്‍ നേതൃത്വംനല്കി.