മലമല്‍ക്കാവ് സ്‌കൂളില്‍ വന്യജീവി വാരാഘോഷം

 ആനക്കര: മലമല്‍ക്കാവ് എ.യു.പി.സ്‌കൂളില്‍ മാതൃഭൂമി സീഡിന്റെയും ഹരിതസേനയുടെയും സംയുക്താഭിമുഖ്യത്തില്‍ വന്യജീവി വാരാഘോഷം നടത്തി. 'പരിസ്ഥിതിയും മൃഗങ്ങളും' എന്ന വിഷയത്തില്‍ പോസ്റ്റര്‍ ചിത്രരചനാ മത്സരങ്ങള്‍ നടത്തി. 
പരിസ്ഥിതി സംരക്ഷണത്തിന്റെ പ്രാധാന്യം വ്യക്തമാക്കുന്ന ചിത്രങ്ങളാണ് കുട്ടികള്‍ പകര്‍ത്തിയത്. മൃഗങ്ങളോടുള്ള ക്രൂരതക്കെതിരെയുള്ള താക്കീതുകൂടിയായി കുട്ടികളുടെ ചിത്രരചനാമത്സരം. പ്രധാനാധ്യാപകന്‍ ഒ.കെ.എം. നീലകണ്ഠന്‍, എം.സി.മനോജ്, യു.വിജയകൃഷ്ണന്‍ തുടങ്ങിയവര്‍ നേതൃത്വം നല്‍കി.