വഴുതാനം സ്‌കൂളില്‍ സ്‌കൂള്‍ പച്ചക്കറിത്തോട്ടം പദ്ധതി തുടങ്ങി

പള്ളിപ്പാട്: വഴുതാനം ഗവ. യു.പി. സ്‌കൂളില്‍ 'മാതൃഭൂമി' സീഡ്, കൃഷിവകുപ്പ്, എസ്.എം.സി. എന്നിവ ചേര്‍ന്നു നടപ്പാക്കുന്ന സ്‌കൂള്‍ പച്ചക്കറിത്തോട്ടം പദ്ധതി തുടങ്ങി.
ഗ്രാമപ്പഞ്ചായത്തംഗം എം. ദേവദാസ് ഉദ്ഘാടനം ചെയ്തു. എസ്.എം.സി. ചെയര്‍മാന്‍ എം.വി. പ്രസന്നന്‍ അധ്യക്ഷത വഹിച്ചു.
കൃഷി ഓഫീസര്‍ സി. ഗിരിജ, ഹെഡ്മിസ്ട്രസ് ലക്ഷ്മികുമാരി, കൃഷി അസിസ്റ്റന്റ് ആശ കെ. കുട്ടന്‍, അധ്യാപകരായ എം.എസ്. മിനി, സുനിത, ശ്രീകല, അജിതകുമാരി, ശ്രീലത, സിബി ജോണ്‍സണ്‍, സുഭാഷ് ചന്ദ്രിക എന്നിവര്‍ പങ്കെടുത്തു.