ഒറ്റപ്പാലം: കേന്ദ്രീയവിദ്യാലയത്തില്‍ സീഡ് ക്ലബ്ബിന്റെ ആഭിമുഖ്യത്തില്‍ ക്ലീന്‍ കാമ്പസ് പരിപാടിക്ക് പ്രിന്‍സിപ്പല്‍ എ.പി. വിനോദ്കുമാര്‍ നേതൃത്വം നല്‍കി. ഇതിന്റെഭാഗമായി സ്‌കൂള്‍ കോമ്പൗണ്ടിനകത്ത് ഫ്‌ലക്‌സ്‌ബോര്‍ഡുകളും പ്ലാസ്റ്റിക്വസ്തുക്കളും നിരോധിച്ചു.
സ്‌കൂളും പരിസരവും വൃത്തിയാക്കി സൂക്ഷിക്കുമെന്ന് വിദ്യാര്‍ഥികള്‍ പ്രതിജ്ഞചെയ്തു.
ആഴ്ചയില്‍ മൂന്നുമണിക്കൂര്‍ പരിസരശുചീകരണത്തിന് ചെലവഴിക്കാന്‍ തീരുമാനിക്കുകയും നടപ്പാക്കുകയും ചെയ്തു.
സ്‌കൂള്‍ നഴ്‌സിങ് ഡിപ്പാര്‍ട്ട്‌മെന്റിലെ അജീഷ ശശി പരിസരശുചിത്വത്തെയും വ്യക്തിശുചിത്വത്തെയും കുറിച്ച് ബോധവത്കരണക്ലാസ് നടത്തി. സീഡ് കോ-ഓര്‍ഡിനേറ്റര്‍ ഷീജ, മറ്റ് അധ്യാപകര്‍ എന്നിവരും പങ്കെടുത്തു.
