പേരാമ്പ്ര: ആവള കുട്ടോത്ത് ഗവ.ഹയര്‍ സെക്കന്‍ഡറി സ്‌കൂളിലെ സീഡ് ക്ലബ്ബ് സംഘടിപ്പിക്കുന്ന 'വൈജ്ഞാനികം' മെഗാക്വിസിന്റെ ഭാഗമായി ശില്പശാല നടത്തി. വിവിധ വൈജ്ഞാനിക മേഖലകളുമായി വിദ്യാര്‍ഥികളെ ബന്ധിപ്പിക്കുകയാണ് ലക്ഷ്യം.
പത്രങ്ങള്‍, ഇലക്ട്രോണിക് മീഡിയ എന്നിവയുടെ സാധ്യതകളിലൂടെ വൈജ്ഞാനിക-പാരിസ്ഥിതിക-സാമൂഹിക മേഖലകളില്‍ മുന്നോട്ട് പോകാന്‍ വിദ്യാര്‍ഥികള്‍ക്ക് പദ്ധതിയിലൂടെ പരിശീലനം നല്‍കും.
പി.ടി.എ. പ്രസിഡന്റ് ടി.പി. കുഞ്ഞമ്മദ് ഉദ്ഘാടനം ചെയ്തു. പ്രിന്‍സിപ്പല്‍ കെ. ഹരിദാസന്‍, സീഡ് കോ-ഓര്‍ഡിനേറ്റര്‍ ടി.എം. ഉണ്ണികൃഷ്ണന്‍, എം.കെ. സചിത്രന്‍, ടി. വിജയന്‍, അശ്വതി അശോകന്‍, എ.എസ്. കൃഷ്ണ, റോസ്‌ന, ബി.ഐ. വിവേക്, ഷഹരിസ ഷെറിന്‍, മാതൃഭൂമി പ്രതിനിധി അനന്ദു സദന്‍ എന്നിവര്‍ സംസാരിച്ചു.
