ഒറ്റപ്പാലം: മാതൃഭൂമി സീഡ് ക്ലബ്ബ്, പി.ടി.എ. എന്നിവയുടെ അഭിമുഖ്യത്തില്‍ മനിശ്ശീരി എ.യു.പി. സ്‌കൂളില്‍ നേത്രപരിശോധനാ തിമിരനിര്‍ണയ ക്യാമ്പ് നടത്തി. അല്‍സലാമ കണ്ണാസ്പത്രിയുടെ സഹകരണത്തോടെയായിരുന്നു പരിപാടി.
പി.ടി.എ. പ്രസിഡന്റ് കെ.മുരളീധരന്‍ അധ്യക്ഷനായി. ഡോ. പി.കമ്മുണ്ണി, പ്രധാനാധ്യാപകന്‍ സി. വിനോദകുമാരന്‍, മാനേജര്‍ ടി. സുരേന്ദ്രന്‍, സീഡ് കോ-ഓര്‍ഡിനേറ്റര്‍ കെ.എം. രവികുമാര്‍, രവീന്ദ്രന്‍, പി. ലതിക എന്നിവര്‍ പ്രസംഗിച്ചു. നേത്രവൈകല്യമുള്ളവര്‍ക്ക് കണ്ണാസ്പത്രിയില്‍ സൗജന്യ ശസ്ത്രക്രിയയും ചെയ്യുന്നതായി സംഘാടകര്‍ അറിയിച്ചു.
