കൃഷിപാഠവുമായി എ.യു.പി. സ്‌കൂള്‍

തൃപ്രയാര്‍: നാട്ടിക ഗ്രാമപ്പഞ്ചായത്തും കൃഷിഭവനും ചേര്‍ന്ന് നടപ്പാക്കുന്ന സുസ്ഥിര വികസനം കൃഷിയിലൂടെ എന്ന പദ്ധതിയുടെ ഭാഗമായി തൃപ്രയാര്‍ എ.യു.പി. സ്‌കൂള്‍ അങ്കണത്തില്‍ പച്ചക്കറികൃഷി തൈ നട്ട് ഗ്രാമപ്പഞ്ചായത്ത് പ്രസിഡന്റ് അനില്‍ പുളിക്കല്‍ ഉദ്ഘാടനം ചെയ്തു. ഗ്രാമപ്പഞ്ചായത്തംഗം സി. ശങ്കരനാരായണന്‍ അധ്യക്ഷനായി. നാട്ടിക കൃഷി അസിസ്റ്റന്റ് ഹസീബ്, പ്രധാനാധ്യാപിക വി. അനിത, പി.ടി.എ. പ്രസിഡന്റ്് കെ.ബി. ഗോപി, മാതൃസംഗമം പ്രസിഡന്റ് ഷെഫീന, അധ്യാപിക കെ.ആര്‍. ഷക്കീല എന്നിവര്‍ സംസാരിച്ചു.