തോട്ടുമീനുകളെ സംരക്ഷിച്ച് സീഡ് കൂട്ടായ്മ

നാട്ടിന്‍പുറങ്ങളില്‍ ഇല്ലാതാകുന്നതരം തലമക്കണ്ണന്‍, കോട്ടി, പുല്ലാന്‍ചൂട്ടി, ആരല്‍, മനഞ്ഞില്‍, കണ്ണന്‍തൊണ്ണ, മുഷി തുടങ്ങി ഇരുപതോളം മത്സ്യങ്ങളുടെ ആയിരത്തിലധികം കുഞ്ഞുങ്ങളെ ശേഖരിച്ചിട്ടുണ്ട്. ഇവയുടെ പ്രദര്‍ശനം ഒരുക്കിയതിനുശേഷം വിദ്യാലയത്തിന് സമീപത്തുള്ള പഞ്ചായത്ത് കുളത്തില്‍ നിക്ഷേപിച്ച് നിരീക്ഷിച്ച് വരികയാണ്. നാടന്‍ മത്സ്യങ്ങളുടെ പേരുകള്‍ മുഴുവന്‍ കുട്ടികള്‍ക്കും പഠിക്കാനും നിരീക്ഷിക്കാനും പദ്ധതി സഹായകമായി.

സീഡ് കോഓര്‍ഡിനേറ്റര്‍ സി. യൂസഫ്, അധ്യാപകരായ ബിമല്‍, നബീല്‍, വിനോദ് എന്നിവരും കുട്ടികളായ അഭിജിത്ത്, ആസിഫ് എന്നിവരും നേതൃത്വംനല്‍കി.