ശ്രീകൃഷ്ണപുരം: പൂക്കോട്ടുകാവ് ഗ്രാമപ്പഞ്ചായത്തിലെ മൂന്നാംവാര്‍ഡില്‍ എല്ലാ വീട്ടിലും മൂന്ന് മരമെത്തിച്ച് മൂന്നുവര്‍ഷം പരിപാലിക്കുന്നു. പരിസ്ഥിതിസംഘടനയായ അടയ്ക്കാപുത്തൂര്‍ സംസ്‌കൃതിയുടെ സഹകരണത്തോടെ കല്ലുവഴി ശബരി എ.യു.പി. സ്‌കൂളിലെ 'നിള' മാതൃഭൂമി സീഡ് ക്ലൂബ്ബ് പരിപാടിക്ക് തുടക്കംകുറിച്ചു.
പൂക്കോട്ടുകാവ് ഗ്രാമപ്പഞ്ചായത്ത് വൈസ്പ്രസിഡന്റ് വിജയകുമാരന്‍ ഉദ്ഘാടനംചെയ്തു. വാര്‍ഡ്‌മെമ്പര്‍ ഐ.ടി. ശാന്തകുമാരി അധ്യക്ഷയായി. പി.ടി.എ. പ്രസിഡന്റ് രാജന്‍ തൈ വിതരണംചെയ്തു. ഫോറസ്റ്റ് ഓഫീസര്‍ എസ്. അമീര്‍ ക്ലൂസെടുത്തു. കാറല്‍മണ്ണ ശ്രീജിത് നാടന്‍പാട്ടിന് നേതൃത്വംനല്‍കി. പ്രധാനാധ്യാപിക വി. ഇന്ദിര, രാജേഷ് അടയ്ക്കാപുത്തൂര്‍, ജി. ബിനോജ്, സി. കാഞ്ചന എന്നിവര്‍ പ്രസംഗിച്ചു.
