ചാത്തമംഗലം ഗവ. യു.പി. സ്‌കൂളില്‍ വീടിനൊരു കറിവേപ്പ് പദ്ധതി

 നെന്മാറ: ചാത്തമംഗലം ഗവ. യു.പി. സ്‌കൂളിലെ സീഡ് ക്ലബ്ബ് വീടിനൊരു കറിവേപ്പ് പദ്ധതി തുടങ്ങി. വിദ്യാലയത്തിലെ മുഴുവന്‍ വിദ്യാര്‍ഥികളുടെയും വീടുകളില്‍ കറിവേപ്പ് വെച്ചുപിടിപ്പിക്കുന്ന പരിപാടിയാണിത്. അധ്യാപകരും വിദ്യാര്‍ഥികളും ശേഖരിച്ച കറിവേപ്പ് തൈകള്‍ വിദ്യാര്‍ഥികള്‍ക്ക് വിതരണംചെയ്തു. 
പി.ടി.എ. വൈസ് പ്രസിഡന്റ് ടി. നാകു ഉദ്ഘാടനംചെയ്തു. പ്രധാനാധ്യാപകന്‍ എം. അബ്ദുള്‍ സലാം അധ്യക്ഷനായി. സി. ലത, സി. രാജീവ്, കെ. ബിജു, ജോര്‍ളി തോമസ്, ജലാലുദ്ദീന്‍, എം. ഉദയന്‍ എന്നിവര്‍ സംസാരിച്ചു.