എടത്തനാട്ടുകര: ചളവ ഗവ. യു.പി. സ്‌കൂളിലെ സീഡ്, സാമൂഹ്യശാസ്ത്ര ക്ലബ്ബിന്റെ ആഭിമുഖ്യത്തില്‍ യുദ്ധവിരുദ്ധദിനം ആചരിച്ചു.
വിദ്യാര്‍ഥികള്‍ തയ്യാറാക്കിയ യുദ്ധവിരുദ്ധ മുദ്രാവാക്യങ്ങളെഴുതിയ പ്ലക്കാര്‍ഡുകളും സന്ദേശങ്ങളുമായി ഗ്രാമവഴികളില്‍ യുദ്ധവിരുദ്ധറാലി നടത്തി.
തുടര്‍ന്ന് ചളവ കവലയില്‍ തീര്‍ത്ത യുദ്ധവിരുദ്ധ സന്ദേശത്തിനുതാഴെ നാട്ടുകാരും രക്ഷിതാക്കളും വിദ്യാര്‍ഥികളും കയ്യൊപ്പ് ചാര്‍ത്തി.
സ്‌കൂള്‍ അസംബ്ലിയില്‍ കെ.ടി. ബാബുരാജ് യുദ്ധവിരുദ്ധ സന്ദേശം നല്‍കി. പോസ്റ്റര്‍ പ്രദര്‍ശനവും നടന്നു. ഹെഡ്മാസ്റ്റര്‍ റഷീദ് ചതുരാല, കെ.ടി. ഹസനത്ത്, കെ. രവികുമാര്‍, വി.സി. ഷൗക്കത്തലി, പാലിയന്‍ ബഷീര്‍, ടി. വിലാസിനി, വി. ഊര്‍മ്മിള എന്നിവര്‍ നേതൃത്വം നല്‍കി.
