ഇരിങ്ങാലക്കുട: എടതിരിഞ്ഞി എച്ച്.ഡി.പി. സമാജം ഇംഗ്ലീഷ് മിഡിയം സ്‌കൂളിലെ സീഡ് യൂണിറ്റിന്റെ നേതൃത്വത്തില്‍ മൈ ട്രീ ചലഞ്ച് പദ്ധതിക്ക് തുടക്കമായി. ചരിത്രപ്രസിദ്ധമായ ഷണ്‍മുഖം കനാല്‍ പരിസരത്ത് 10 വൃക്ഷത്തൈ നട്ടുകൊണ്ട് ആരംഭിച്ച പദ്ധതി പടിയൂര്‍ പഞ്ചായത്ത് വൈസ് പ്രസിഡന്റ് പി.ആര്‍. സദാനന്ദനും സീഡ് പോലീസ് ലീഡര്‍ നീരജും ചേര്‍ന്ന് നിര്‍വ്വഹിച്ചു.
സംരംഭത്തിന് പഞ്ചായത്ത് പ്രതിനിധികള്‍, സമാജം ഭാരവാഹികള്‍, പി.ടി.എ. പ്രതിനിധികള്‍, കര്‍ഷക പ്രതിനിധികള്‍, ജനകീയ കൂട്ടായ്മകളുടെ പ്രതിനിധികള്‍, പൊതുജനങ്ങള്‍ എന്നിവര്‍ സാക്ഷികളായി. സീഡ് കോ-ഓര്‍ഡിനേറ്റര്‍ പി. ശ്രീദേവി പ്രകൃതിസംരക്ഷണപ്രതിജ്ഞ ചൊല്ലിക്കൊടുത്തു. സമാജം ഭാരവാഹി സുബ്രഹ്മണ്യന്‍ കളപ്പുരത്തറ, പഞ്ചായത്തംഗം കെ.സി. ബിജു, പ്രിന്‍സിപ്പല്‍ ടി.ജെ. ബിനി തുടങ്ങിയവര്‍ സംസാരിച്ചു.
