ചെര്‍പ്പുളശ്ശേരി: തിരുനാരായണപുരം സ്കൂളിലെ പച്ചക്കറിത്തോട്ടത്തില്‍ വിളവെടുപ്പുത്സവം ആഘോഷമായി.
സീഡ് വെള്ളിനേഴി പഞ്ചായത്തിന്റെയും കൃഷിഭവന്റെയും സഹകരണത്തോടെയായിരുന്നു പച്ചക്കറിക്കൃഷി. വഴുതിന, പടവലം, ചീര, പയര്‍, കയ്പയ്ക്ക എന്നിവയുടെ വിളവെടുപ്പാണ് നടത്തിയത്.
സ്കൂളിലെ ആവശ്യം കഴിഞ്ഞുള്ള പച്ചക്കറികള്‍ വില്പന നടത്തി. വിളവെടുപ്പുത്സവയോഗം പഞ്ചായത്ത് പ്രസിഡന്റ് സി.ജി. ഗീത ഉദ്ഘാടനം ചെയ്തു. പി.ടി.എ. പ്രസിഡന്റ് രാജാമണി അധ്യക്ഷത വഹിച്ചു. സ്കൂളിലെ ജലസംഭരണി സ്റ്റാന്‍ഡിങ് കമ്മിറ്റി ചെയര്‍മാന്‍ കെ. അനില്‍കുമാര്‍ ഉദ്ഘാടനം ചെയ്തു.
പ്രധാനാധ്യാപിക പ്രസന്നകുമാരി, കൃഷി ഓഫീസര്‍ കുമാരന്‍, എ.ഇ.ഒ. എം. ജയരാജന്‍, പഞ്ചായത്തംഗം രാമദാസ്, ബി.ആര്‍.സി. കോ-ഓര്‍ഡിനേറ്റര്‍ ഗംഗാധരന്‍, എം. രാധാകൃഷ്ണന്‍, എം. ഗോപാലന്‍, കുഞ്ഞിക്കൃഷ്ണന്‍ എന്നിവര്‍ പ്രസംഗിച്ചു.
