വേദനിക്കുന്നവര്‍ക്ക് കുട്ടികളുടെ കൈത്താങ്ങ്‌

 ചളവറ: ചളവറ ഗ്രാമപ്പഞ്ചായത്തിലെ ആശ്രയ, പെയിന്‍ ആന്‍ഡ് പാലിയേറ്റീവ് ഗുണഭോക്താക്കള്‍ക്കായി ചളവറ ഹയര്‍ സെക്കന്‍ഡറി സ്‌കൂള്‍ സീഡ് എന്‍.എസ്.എസ്. യൂണിറ്റ് സമാഹരിച്ച പതിനൊന്നായിരം രൂപ ഗ്രാമപ്പഞ്ചായത്ത് പ്രസിഡന്റ് പി. ഹരിദാസന്‍ ഏറ്റുവാങ്ങി.
ചടങ്ങില്‍ പ്രിന്‍സിപ്പല്‍ എ. രമണി അധ്യക്ഷതവഹിച്ചു. പഞ്ചായത്ത് വൈസ് പ്രസിഡന്റ് സി. പ്രീത, പഞ്ചായത്തംഗങ്ങളായ പി. വത്സല, കെ. കൃഷ്ണന്‍കുട്ടി, എന്‍. മോഹന്‍ദാസ്, പി. ശുഭ, കെ.സി. സരോജിനി, എന്‍.എസ്.എസ്. പ്രോഗ്രാം ഓഫീസര്‍ കെ. നന്ദനന്‍, അഭിനേഷ് എന്നിവര്‍ സംസാരിച്ചു.