'വിദ്യാലയത്തിലൊരു പച്ചക്കറിത്തോട്ടം' തുടങ്ങി

 ചിറ്റൂര്‍: കല്യാണപ്പേട്ട കെ.എം.എ.എല്‍.പി. സ്‌കൂളില്‍ വിദ്യാലയത്തിലൊരു പച്ചക്കറിത്തോട്ടം പദ്ധതിക്ക് തുടക്കമായി. സീഡ് ക്ലബിന്റെയും പെരുമാട്ടി കൃഷിഭവന്റെ നേതൃത്വത്തില്‍നടന്ന പരിപാടി കൃഷിഭവന്‍ ഉദ്യോഗസ്ഥനായ സതീഷ് ഉദ്ഘാടനംചെയ്തു. വേലൂര്‍ സ്വാമിനാഥന്‍ അധ്യക്ഷനായി. അഡ്വ. ശിവരാമന്‍, അനിലാകുമാരി, ജ്ഞാനപ്രദ എന്നിവര്‍ സംസാരിച്ചു. ഫലവൃക്ഷത്തൈ നടീലും കുട്ടികള്‍ക്കുള്ള പ്രോജക്ട് ബുക്ക് വിതരണവുമുണ്ടായി.