ശുചിത്വ സന്ദേശവുമായി സഞ്ജീവനി ഹരിതസേന

 

ചെര്‍പ്പുളശ്ശേരി: ഗാന്ധിജയന്തിദിനത്തില്‍ ശുചിത്വസന്ദേശവുമായി സീഡ് ക്ലബ്ബ് അംഗങ്ങള്‍. ചെര്‍പ്പുളശ്ശേരി ഗവ. ഹൈസ്‌കൂള്‍ സീഡ് ക്ലബ്ബ് അംഗങ്ങളാണ് വീടുകള്‍ കയറിയിറങ്ങി ലവ് പ്ലാസ്റ്റിക് പദ്ധതി വിശദീകരിച്ചത്. പ്ലാസ്റ്റിക് സംഭരിക്കാന്‍ ബാഗുകള്‍ നല്‍കി. ഔഷധസസ്യ പ്രചാരണഭാഗമായി വിഷമൂലി, കസ്തൂരി മഞ്ഞള്‍, കറ്റാര്‍വാഴ തുടങ്ങിയ ഔഷധസസ്യങ്ങള്‍ അമ്മമാര്‍ക്ക് കൈമാറി. 

ഹരിതസേനാംഗങ്ങള്‍, സീഡ് കോഓര്‍ഡിനേറ്റര്‍ എന്നിവര്‍ നേതൃത്വം നല്‍കി. മുന്‍ വാര്‍ഡ് മെമ്പറും ചെര്‍പ്പുളശ്ശേരി ഗവ. ഹൈസ്‌കൂള്‍ എം.പി.ടി.എ. പ്രസിഡന്റുമായ ബിന്ദുവിന് ലവ് പ്ലാസ്റ്റിക് ബാഗ് നല്‍കിയാണ് പരിപാടി തുടങ്ങിയത്.