ലോക പേവിഷദിനം ആചരിച്ചു

 

കണ്ണൂര്‍: മാതൃഭൂമി സീഡ്, വെറ്ററിനറി അസോസിയേഷന്‍ എന്നിവയുടെ നേതൃത്വത്തില്‍ ലോക പേവിഷദിനാചരണം നടത്തി. പള്ളിക്കുന്ന് ഗവ. ഹയര്‍ സെക്കന്‍ഡറി സ്‌കൂളില്‍ പരിപാടി സ്‌കൂള്‍ പ്രിന്‍സിപ്പല്‍ ഗീത പാലയ്ക്കല്‍ ഉദ്ഘാടനം ചെയ്തു. പ്രഥമാധ്യാപകന്‍ കെ.വി.സുരേന്ദ്രന്‍ അധ്യക്ഷത വഹിച്ചു. സ്റ്റാഫ് സെക്രട്ടറി എം.രാധാകൃഷ്ണന്‍, സ്‌കൂള്‍ സീഡ് കോഓര്‍ഡിനേറ്റര്‍ ജയരാജന്‍, എം.വി.പദ്മരാജന്‍, ഇ.ദീപക്, മാതൃഭൂമി സീഡ് കോഓര്‍ഡിനേറ്റര്‍ സി.സുനില്‍കുമാര്‍ എന്നിവര്‍ പ്രസംഗിച്ചു. പി.കെ.ജയരാജ്, ആന്‍മരിയ ഇമാനുവല്‍ എന്നിവര്‍ നേതൃത്വം നല്‍കി. ജില്ലാ വെറ്ററിനറി പി.ആര്‍.ഒ. ഡോ. പി.വി.മോഹനന്‍ ലോക പേവിഷബാധദിന സന്ദേശം നല്‍കി.