കൊയ്ത്തുത്സവം നടത്തി

 

 

പെരിങ്ങോം: വെള്ളോറ എ.യു.പി. സ്‌കൂളിലെ മാതൃഭൂമി സീഡ് ഇക്കോ ക്ലബ് കോയിപ്രവയലില്‍ നടത്തിയ നെല്‍ക്കൃഷിയുടെ വിളവെടുപ്പ് ഗ്രാമത്തിന്റെ ഉത്സവമായി. കൊയ്ത്തുത്സവം സി.കൃഷ്ണന്‍ എം.എല്‍.എ. ഉദ്ഘാടനം ചെയ്തു. ചടങ്ങില്‍ എരമംകുറ്റൂര്‍ പഞ്ചായത്ത് വിദ്യാഭ്യാസ സ്ഥിരംസമിതിയംഗം കെ.വി.കൃഷ്ണന്‍ അധ്യക്ഷത വഹിച്ചു. കൃഷി അസിസ്റ്റന്റ് എം.സതീശന്‍, പി.രമേശന്‍, പി.പുഷ്പജന്‍, പ്രേമ സുരേഷ്, എന്നിവര്‍ പ്രസംഗിച്ചു. പ്രഥമാധ്യാപകന്‍ എം.രാജന്‍ സ്വാഗതവും സീഡ് കോ ഓര്‍ഡിനേറ്റര്‍ എം.ജയരാജന്‍ നന്ദിയും പറഞ്ഞു.